Trade with Gold Silver Ratio

在白銀FB中, 看見有唔少網友在買賣紙白銀,

在回應中, 有網友都一語中的, 咁多人在白銀戰隊講買賣紙銀其實都有顯示性. 

要炒賣唔使講咁多理由,  最緊要係賺,  但紙銀為是金融機構衍生出來的工具, 到時銀價大升, 如果有朝一日紙銀的價格唔跟Spot price 走.   若到時成手紙銀, 就真是喊都無謂.        

在投資實金實銀上, 如果分了長短線, 有一小部份是用作短炒, 我覺得未嘗不可. 但要提高勝算,

我自已都有一個想法, 就是利用金銀比例.

這個做法, 其實運作上相當簡單, 在金銀比例高時, . 例如在5月時60: 1, 一安士金可以買到60安士銀, 沽金買銀

在金價比例低時, 如40:1, 即是40安士銀, 可以買到一安士金時, 沽銀買金.

現在GS比 是甚麼比例?

50:1.

即是比例低的時候, 由銀換金可能較上算.

若在5月時沽金買銀, 在現在沽銀買金, 就多了10安士銀, 當然當中未計買賣差價.

這個方式, 我只在構思階段, 未知是否行之有效,

其中面對的問題係, 未夠實銀 ><

手上的實銀要換金, 數量就唔可以太少, 相信有朝一日,  如果我既金銀短線部儲多少少, 我估我會嘗試. 

我非常有大無畏精神, 通常寫得出的我都曾附諸實行.  但這個方法又未做過, 那為何寫呢,

就是剛才我在 youtube流覽時, 看到這個講GS比例的youtube. 例子講得好清楚, 相當容易明白.  exactly 就係我諗的想法.

所以Silver Learner無寫咁耐, 都要寫篇文, 同將個youtube留個紀錄, 到時用的時候都有得參考.

而SilverDoctors 亦有幾篇文章, 講及GS ratio. 剛出的是 50/1, 值得一看.

http://www.silverdoctors.com/gold-silver-ratio-clears-resistance-hits-501/

而在5月時, 就出現了54.55 GS ratio 的高位, swap gold to silver.

http://www.silverdoctors.com/silver-gold-ratio-hits-60-day-high-of-54-55-to-1/

另外要留意的是, 買賣差價, 金銀互轉, 保守估計3%.

 

 

鯊魚幣團, 跟風水魚團.

今日Club 終於收到通知, 我地正式可以從New Zealand 直接取貨了.

SilverPocketClub攞到風水魚幣同鯊魚幣

Kitcoo 係大店, 大家都會先幫襯,

但旺旺亦有人緣,能提供一百幾十隻我亦很心足了.

Club都係諗住做Kitco賣晒剩番既數目.

我地邊夠大店來做.

但勝在夠靈活, 希望從中爭取一點生存空間.

呢幾日, Club會公布我地落訂詳情了.

旺旺

20/6/2012

澳洲生肖免幣，鼠幣

澳洲生肖幣

我聽Lisa講，收齊部份錢先做，　

但其實我已經有二十隻免，二十隻鼠在手，　係我係訂老虎時，一併運回來，已經俾晒錢，並已經在運送中，　今個星期到香港。

一到貨在手，Club都係決定即時賣呢兩隻，　呢兩隻，都係無謂遲推，因為我已經有貨在手

價格相當合理，因為我地係跟老虎一齊定，量很大，所以攞得平。
旺旺

銀袋會的會員義務與責任初探 及 Lighthouse capsule

銀袋會定位為銀幣平台,  我跟Samuel在籌備過程中, 都想Club能成為投資/收集銀幣者的聚腳地, 一個由會員共同建設的部落.

我們設立會員制度.

會員制,  有福利, 自然亦有義務與責任.
以下是部份溝思.

1. Samuel正在努力預備會員的資料庫, 我們希望為每位會員預備一個代號, 免除日後, 再列出你們的名字, 以及訂了銀幣的數量. 暫時列出名字, 只是方便紀錄, 但我認為,  銀幣是錢, 應該有一定私隱度.

2. 會員福利: 有購物積分回贈. 積分可以用作換購銀幣用品, 亦可直接用作買賣銀幣費用.

3. 以近乎成本價購買銀幣用品. 例如我地銷售的 Lighthouse capsule, 扣除成本運費匯費, 每一隻的利潤是幾毫子.
如果用生意的角度, 唔會有人做. 但我們希望造到方便大家. 既然自已都時常訂, 咁當係會員福利, 亦很順理成章.

4. 拍賣銀幣。這個活動在很多外國的銀幣網，都非常受歡迎。網友往往能夠買到心水幣心水價的意外收獲呢。

義務與責任
1. 我們提供的其中一項服務，代購。訂購過程很簡單，只要留電郵電話就成，遲些可能連留名留電話都唔需要，只要留下你的會員代號，以及密碼就能記錄。我們當然期望，能與每位會員，盡快完成每個交收。我們貨與輪轉，有充足的現金流，就可以先行入貨。　但如果我們的銀幣，在交收上出現阻滯，　硬是找唔到訂左幣的網友，我們要花的時間精力可想而知。　
最大問題，係資金被迫停泊。　

我們決定，如果有會員訂貨，無故的唔出現交收，又或者多次聯絡，電郵，電話都石沉大海，聯系不上，又或是未在雙方同意之下單方面取消買賣而不知匯對方，我們保留該會員其後參與代購的資格。　

好。　
硬件講完。
剛才提到訂購 Lighthouse capsule. 由於很多時東洋都長期缺３８mm, 我們剛好找到一間供應商，德國原裝入口，來貨很快，由訂單到收貨不需一個星期。而每一隻capsule size 都有。　

我正與該店洽談優惠價的可行性。希望可以再攞到一些折扣。　

包裝分３種。
1. 10小盒裝。　每盒有１０個capsule.

2. 25個裝。盒蓋與盒底，分別排成一管。　我初時都唔識分那個是底，那個是面。仔細觀察，完來有一面是印有數字。

3. 100個裝。　內有４管盒蓋加４管盒底。

每個４元。
有不同size.
如果要10個裝, 請指明, 因為我們的成本相當貴.
其他件數, 我會在100個裝分折.
夠25個的, 我就預設用25管裝. 所以最整齊訂購的數量是25個一管.

Samuel請幫我在網誌開一格放在許願池之下. 作為訂購銀幣用品的位置.
電子磅, 卡尺,放大鏡等用品, 在coin club 網聚獲得好評,
下一步我就會將這幾項, 作為長期可供訂購項目.

旺旺
29/3/2012

團購第三炮: Canadian Grizzly Bear 灰熊

之前也說過, Club 的方向, 是買相對大量的幣, 希望從合作伙伴獲得較佳的買入價.
上次訂狼幣, 加拿大朋友只攞到100隻,  佢已經收到我匯款, 最遲下星期頭出貨.
出貨前叫朋友又補番張相俾大家睇先.
但我地收到一百四十幾隻訂單, 唔夠貨派

起初把一些網友, 放了在waiting list.  但我覺得非常唔好意思.
於是我去搵網上貨源.
昨日落單了, 訂了45隻.
夠貨派, 仲有幾隻留來看門口. 暫時做儲備, 到時如果派完有剩, 就賣埋佢啦.

我自已都係傾向直接問朋友取貨, 次選才係搵網上幣店訂, 風險與銀幣賣相, 係我地最關心的, 所以傾向搵專人取貨, 有人驗過幣, 亦知道幾時貨運.  雖然成本係貴少少, 有數你計啦, 要分埋利潤俾合作伙伴.
但今次無貨都無辦法.

順便訂多30隻灰熊回來.

今次就1隻都成到團啦, 因為唔使預隻數.

定價 375.

有興趣發電郵去Club: silverpocketclub@gmail.com

另外, 可以一併訂購原廠 Lighthouse capsule. 每隻$4. 可以入埋盒. 
一分錢一分貨. 
我以前放楓葉銀幣, 用台灣盒, 諗住這些幣唔使咁高成本.  現在基本上全部用lighthouse


lighthouse capsule 散裝, 每個4元. 


如果覺得4元一個膠盒貴, 亦可以選擇國產膠盒, 每個$2. 


請註明要唔要膠盒. 

想幫Club起番一個中文名, 第時註冊成為公司 (發下夢先), 都容易D記. 簡簡單單, 就叫

銀袋會

我有信心訂單多過三十隻, 多出的, 如果加拿大朋友, 來貨價差唔多, 都係會幫番朋友訂.

希望今次做多過30隻, 然後再幫朋友訂多兩筒.

旺旺
28/3/2012

澳洲二系老虎幣正準備寄出

剛收到澳洲朋友的圖片. 老虎幣, 隻隻都好靚仔. 在澳洲寄出前先影張相, 作為紀錄, 並讓大家先睹為快.

 手上已經有30個訂單, 還有10隻, 可以出售, 定價765. 有興趣請向club電郵. 

剛才與朋友交收, 朋友問了一個問題, 我都想同大家分享一下. 朋友問, 老虎幣, 咁貴, 要7百幾元, 我買幾多隻好呢. 一隻又好似唔夠分. 

我既建議係, 如果你有心儲銀幣, (唔係單單銀條, 又或者楓葉, 鷹揚等年年同款的投資幣), 無一套澳洲銀幣在手, 你都唔好同人講你有儲銀幣啦. 如果連呢套咁經典都無, 我都唔知你可以儲甚麼. 

但是, 我強調係 "儲", 作為收藏幣, 作為自已的珍藏, 我絕對建議你買. 難買的幣, 只會愈難買得到, 如果你過左幾年, 先至想儲番轉頭, 到時搵唔到貨, 你係有錢都未必有得你買.

所以用 "儲" 既角度, 真係一套起兩套止. 

如果係諗住第日要轉手套利. 就最少三套吧. 唔通下下買一套俾人就無貨, 俾我係你我都唔捨得賣出啦, 咁辛苦儲番來, 點都要有一套自已留為紀念吧. 

但你問我, 現在老虎幣, 係咪貴. 我可以算, 絕對唔平, 但如果你期望, 可以五百幾, 六百元買到的話, 除非賣俾你既真係好等錢洗, 又或者完全唔知市價, 否則無可能買到. 

但如果你係諗住, 買左之後轉手獲利, 例如7百幾蚊買入, 一千蚊賣出. 我想你需要有一個心理準備, 銀幣係長線投資, 係要坐貨的. 講緊無三, 五年都唔成氣侯. 如果真係gold fever, silver fever, 到時絕對唔使驚無人幫你買, 只怕你係無貨在手. 

情況就像, 依家大家在找狼幣, 但情況係更誇張, , 要想買番舊幣儲成一套,  差一就係差一隻唔齊一套. 如果你手上已經有左二系已出的幾隻, 跟住每年出, 只要買新出的, 就像今年買龍, 價格一定可以接受, 要儲整套, 只要有耐心, 就唔太難了. 

旺旺

27/3/2012

團購第二炮: 澳洲二系老虎生肖幣一安士

加拿大野狼銀幣的反應非常良好, 100隻預售數量,在三個鐘內全部售出.
另外, 我還收到三十多個後補名額.
為免令大家失望, 又或要另行選購, 


Club決定所有在我們的電郵及網誌有留言有興趣作後補的, 全部能照你地表達的數量, 獲得需要銀幣的數量.  售價仍是495元. 貨到後, 會聯絡大家.
如果只留了言, 想訂購或做後備, 但仍未留聯絡方法的, 請把要野狼幣的隻數,你的聯絡方法, 發一個電郵去 silverpocketclub@gmail.com


club在此衷心多謝大家的支持.

我地決定推出團購第二炮.
澳洲二系虎年 (2010)銀幣一安士. 
產量: 30萬隻.

27/3/2012. 12:24 已經有２２隻。
夠數成團。Yeah. 
但距離心目中的目標，４０隻，仲差１８隻。





APMEX零售價99.99美元 (即780港元)
http://www.apmex.com/Product/54872/2010_1_oz_Silver_Australian_Year_of_the_Tiger_Coin_Series_2.aspx

Gainesville 零售價95美元 (折算為741港元)

 http://www.gainesvillecoins.com/products/159003/2010-1-oz-silver-australian-year-of-the-tiger-coin-(series-2).aspx

好旺角, 如果要賣850元. 請你不要去買了.  今時今日, 你有得選擇. 唔一定明知貴都去幫襯.

Lisa 曾經計算過, 在G店, 買一個幣連運費, 匯費, 各項成本為 20元一安士. 我們就以這個相近, 自己訂都要付出的成本價, 作為計價參考.

Club決定以765元 (即US 98, AUD 93.5)  出售四十隻. 
有興趣的, 請發Club一個訂購電郵, silverpocketclub@gmail.com
內附你要的數量, 聯絡方法, 我們貨到當面交貨交款. 
如果你願意, 亦可以在我的網誌, 或Club的網誌留言, 
silverpoctetclub.blogspot.com

等大家一齊數下夠唔夠數, 我地才起行成團. 希望20隻, 係我地既入門門檻.   


要取這個數量的虎幣, 在市場上取貨, 絕對唔容易.
Club是直接從澳洲進口, 所有銀幣都能保持鑄幣廠出廠質數.
原封不動的運到香港.

我們有些同伴, 經歷過幫人訂貨後, 件貨遲了幾日, 擔心不已的情況.
在Club有沒有這個情況出現呢?
我可以講解一下。　
Club的入貨商，是直接從澳洲鑄幣局 或mint 的零售店購入
每個幣都經過親自挑選，絕非一般找外國幣商訂貨轉售, 隔山買牛, 自已一日未收到貨, 一日都唔知道件貨的質數, 同能唔能夠成功貨運, 可以比併。　

亦即是說, 我地每個售出的老虎幣, 我地都挑選過才運來香港. 

另外，在運送到香港方便，我們除了付運費外，我們還買了100%的全保險。　

我可以說，我們要付的保費，絕不俾運費便宜。如果要計成本, 等於付了兩重運費. 對於一般零售, 都是以減低成本, 我相信如果全保唔需另外收費, 如APMEX, 大家都會樂意接受.

但如果要另外付款呢, 我估計不是每一個賣家都願意付出這成本, 甚至在計算成本內完全沒有考慮全保這部份. 結果在運送過程, 稍有差遲, 就容易招致損失.

我們決定買全保？　為甚麼呢？　


每人的做生意手法都唔到，要平的網上幣店，我地絕對搵到，但我地最後決定好多間都唔用，而選擇找專人在澳洲直接定購，然後親自寄來香港。為甚麼呢？


理由是, 我地希望盡量減低風險.  一次的失誤, 未能成功貨運, 又或是品質上有甚麼失卻, 可以帶來整年的利潤虧損. 可以是很多個月的白做了.

我們不願意把有問題的幣, 用平的價錢賣給顧客. 原因是, 就像入油廣告所說, 我地都係渣車, 知道作為顧客, 有甚麼需要.  用平價散貨, Club認為換轉角度, 我地自已做顧客時都唔會買, 將心俾已, 這不會是我地用來銷售的方式.

我地選擇在計算風險跟成本之中, 取一個平衡,  雖然未必能夠做到最平, 但售的價格, 一定要做到唔會俾閣下自已上網訂購貴很多. 結果, 我地找到一個出路, 就是我們向銷售商訂一定的貨量, 去用貨量吸引我地的供應者, 提供一個更優的售價. 讓我地可以在提供優質的銀幣, 信心有保證時, 而價格亦令人滿意.

如果只看價格, , 我地未必最平, 但可以說, 閣下在Club購入, 是有質數保證.

亦因為我們有專人在澳洲, 及加拿大訂購, 我們可以盡量替大家選擇一些銀幣, 在市面上少有的貨式. 但至於價格如何, 就真要看銀幣在當地熱賣的情況. 

26/3/2012


旺旺
26/3/2012

Silver - Pocket Club 正式成立

我要好好記著這一天，24/3/2012
這一天，是　Silver - Pocket Club成立的大日子。

亦是Silver - Pocket Club 網聚的第一次活動。　
一行十三人，到茶樓飲荼，雖然大部份都是第一次見面，但大家能在網上交流認識，現在能親自分享買賣銀幣的經歷。好愉快。

我們設了新的網址，　silverpocketclub.blogspot.com　

而我們的電郵是silverpocketclub@gmail.com

這個平臺是Samuel 及旺旺合作的成果。我們會以平臺作為買賣銀幣，團購，成員交易的煤介。　


之後，旺旺的博，會主要作為分享儲銀幣經驗，以及一個介紹大家認識Club 活動的地方。　




請到我們Club流覽，並登記成為會員。　


Silver-Pocket Club是香港第一個集金銀幣知識和購買經驗交流，團購服務，成員交易平臺，和其他服務與一身的免費平臺。記住我們的主頁：

SilverPocketClub.blogspot.com

Club提供的服務包括：

1. 錢幣鑑賞收藏和購買知識交流；

2. 組織向著名國際錢幣商的團購；

3. 為成員提供交換收藏品的平臺；

4. 為成員搜索希望得到的收藏品；

5. 以成本价提供金銀幣配套產品；

6. 加入作爲成員你可以建議更多......

要成爲Club成員，請直接發信給silverpocketclub@gmail.com. 請使用Gmail信箱，因爲我們在之前的團購中發現Gmail和Yahoo郵件傳遞有問題。為保障成員隱私，所有團購和代購事宜將會通過Gmail溝通。

旺旺
24/3/2012

加拿大灰狼 (重要消息)

24/3/2012 2:00 

重要消息.  

定了售價, 灰狼原本諗住賣500,  順應大家意思, 500樓下. 每隻495.

剛知道那邊的貨源很緊張, 我要立即落單, 確保有貨. 所以唔等大家存錢後才訂貨, 免得攞唔到咁多隻. 

決定採用收貨後, 當面交貨付款.

 請每一位有訂的, 都給我send 一個有你們網名,電郵及手電的  email給我. 

我會回覆電郵作實. 

因為訂的人數,與隻數都唔少, 請給我時間回覆. 

我亦用留電郵給我為下單的作準, 唔留電郵的名額, 留給後備的網友. 

否則的話, 很難交收. 

旺旺

chanahwong@gmail.com

加拿大灰狼

之前問過大家意見, 有那些銀幣想我們幫手找, 好多回應, 都是加拿大灰狼.

24/3/2012 0:39. 
重要消息. 


好. 夠4筒了.  
要stop order. 
我會訂4筒回來. 
我會盡量依照大家剛才落的數量分配. 但如果真係唔夠分. 可能未必俾足數. 即是訂5隻,可能只有4隻. 當然俾4隻,就係收4隻錢啦.  


24/3/2012 1:47
重要消息.  

定了售價, 灰狼原本諗住賣500,  順應大家意思, 500樓下. 每隻495.
剛知道那邊的貨源很緊張, 我要立即落單, 確保有貨. 所以唔等大家存錢後才訂貨, 免得攞唔到咁多隻. 
決定採用收貨後, 當面交貨付款.


因為訂的人數,與隻數都唔少, 請每一位有訂的, 都給我send 一個有你們網名,電郵及手電的  email給我. 
我亦用留電郵給我的作準, 唔留電郵的名額, 留給後備的網友. 
否則, 很難交收. 




旺旺


單看產量100萬隻, 不算少, 但為何這樣難找呢?
作為野生動物系列的第一隻. 大家要儲夠一套時, 這隻不可或缺.　有很多博友，在出這隻銀幣是，還未踏進投資及儲銀幣這個領域，我也是。
我之前也四出去找，最終買到。當我把那４隻拿到手時，那份喜悅仍很深刻。四隻，是當時我見到的全部，一次過買了 。 買夠了嗎?　如果找到，我還是想再買 。 至少，我手上有了。

但很多網友，仍未買到呢。
我開始找尋貨源。　
APMEX賣７１美元。未計運費也要５５０。太貴。
找其他網上商店吧，不是沽清，就是量少，或太貴。

現在，貨源，有眉毛了。
思考要訂多少回來，同定代購價。
定的量，希望最少以筒為單位。如果只得幾隻，唔夠分
但定太多，我亦怕會累積存貨。我與合作伙伴，都是小額經營，希望做到貨如輪轉。
這是第一單算是訂一定數量的貨。更想把事情做好　

我想聽大家意見，如果我可以把灰狼訂回來，請你把想訂購的隻數，給我留言，好讓我預數量。　
另外，你還可以寫下你期望付出的價錢。　

如果夠一定數量, 我們就訂回來. 你可以看成是一個小型團購. 貨品夠數, 就出發.

還何我這樣直接的問呢？
因為我知道這隻幣，很多人都想擁有。如果我們能夠提供合理價錢，滿足大家，何樂而不為呢。而作為Silver - Pocket Club　銷售 的第一炮，成功賣過滿堂紅，亦很有意思。

另外，因為要訂的隻數可能唔少，我們也想減輕風險。我們打算全數收預訂。收到你們的訂款才正式入貨。　你們會接受全數預付的安排嗎　

其實全數預訂, 一向是海外幣商接受訂貨的做法. 他們也要全數收款才發貨.  這既能讓賣方增加流動資金, 亦保障買家確切的下訂單, 而不是信口雌黃, 講下買.

所以,請大家幫幫手, 告訴我, 如果你想參與代購,你要買狼.的數量, 預計售價, 以及能否接受全數預計的安排

旺旺
23/3/2012

20/3/2012代購試行運作

要知道實際反應, 沒有俾正式嘗試更有效.

我從多隻銀幣, 特別是我喜愛的笑翠鳥, 選了不同年份.

試行代購的, 大部份都是大店找不到的貨式,

APMEX, 笑翠鳥, 很多年份, 早就賣清了.

所以, 簡單方便起見, 我特意把APMEX或mint的商品網址留下. 正是唔怕貨俾貨. 你大可把大店價一併比較. 我們的代購, 未必一定最低價, 但大店如果無貨, 佢地幾平都無用, 同意吧.    

現在試的, 大部份只有一隻.

是先購先得. 手快有手慢無.

點解訂咁少, 因為我怕只係得我自已喜歡笑翠, 如果真係代購唔成功, 退一步, 當自已收集囉.

不過, 下下係咁就死的.

另外, 亦選了一款半安士, Forever Love盒裝樹熊, 亦是Perth mint沽清的. 產量7500隻. 有證書.

這款樹熊, 是送給女友的好禮物. 只有兩隻.

有興趣參與代購的, 可電郵給我, 我以回覆電郵作實才算成功下單.   

付款方式,貨大概兩至三星期後到. 收到後, 我會相約當面交收.
原意先行收取代訂款項, 但仍未安排妥當, 依舊先採用貨到約取當面交收付款方式. 

請注意, 我只在下班時間check email. 購入的先後次序, 以我收電郵並回覆的次序為準

1.    Koala Privy Berlin Bear, 1oz Silver, 2012 柏林樹熊 3隻 代購價 $420	http://www.silverbullionworld.com/coinreleases.html APMEX, Gainesville; 無售. 產量: 50, 000隻 售出2隻只餘一隻.
2. 2012 Forever Love Silver Coin Features Koalas	http://www.silvercoinstoday.com/2012-forever-love-silver-coin-features-koalas/105531 Perth Mint original web site 無貨 http://www.perthmint.com.au/catalogue/forever-love-2012-half-oz-silver-proof-coin.aspx APMEX, Gainesville; 無售. 產量: 7,500隻 有盒, 有證書. 肯定是一份窩心的禮物.  兩隻己售出.   代購價 $680
3. 2010 無尾熊 代購價 $520 只有兩隻	APMEX 未計運費67.36 (HKD 525) http://www.apmex.com/Product/54879/2010_1_oz_Silver_Australian_Koala.aspx APMEX餘下16隻, 如果大家有興趣, 請留言, 我盡快訂晒番來. Mintage of 233,531
4. 2007 Kookaburra, 1oz 代購價 $530	APMEX, 仍有15隻. 未計運費69.21 (HKD 540) http://www.apmex.com/Product/18497/2007_Australian_Kookaburra___1_oz_Silver_Coin.aspx Mintage of 202506 只有兩隻 (己售出一隻)
5. 2006 KOOKABURRA, 1OZ 代購價 $550	APMEX, 沽清 http://www.apmex.com/Product/11419/2006_Australian_Kookaburra___1_oz_Silver_Coin.aspx Mintage of 76943  只有一隻
6. 2005 KOOKABURRA, 1OZ 代購價 $550	APMEX, 沽清 http://www.apmex.com/Product/1106/2005_Australian_Kookaburra___1_oz_Silver_Coin.aspx Mintage of 84448 只有一隻
7. 2003 KOOKABURRA, 1OZ 代購價 $580	APMEX, 沽清 http://www.apmex.com/Product/10166/2003_Australian_Kookaburra___1_oz_Silver_Coin.aspx Mintage of 93,596 只有一隻
8. 2002 KOOKABURRA, 1OZ 代購價 $580	APMEX, 沽清 http://www.apmex.com/Product/9033/2002_Australian_Kookaburra___1_oz_Silver_Coin.aspx 只有一隻 (己售出) Mintage of 81,160 我覺得圖案數一數二靚的一隻
9. 2000 KOOKABURRA, 1OZ 代購價 $550	APMEX未計運費70.31 (HKD 548) http://www.apmex.com/Product/9030/2000_Australian_Kookaburra___1_oz_Silver_Coin.aspx Mintage of 99388 只有一隻  (己售出)
10. 1999 KOOKABURRA, 1OZ 代購價 $550	APMEX, 沽清 http://www.apmex.com/Product/10164/1999_Australian_Kookaburra___1_oz_Silver_Coin.aspx Mintage of 104,433 只有一隻  (己售出)
11. 1997 KOOKABURRA, 1OZ 代購價 $550	APMEX, 沽清 http://www.apmex.com/Product/10162/1997_Australian_Kookaburra_1_oz_Silver_Coin.aspx Mintage of 149,219 只有一隻
12. 1991 KOOKABURRA, 1OZ 代購價 $550	APMEX, 沽清 http://www.apmex.com/Product/10156/1991_Australian_Kookaburra_1_oz_Silver_Coin.aspx Mintage of 283,766 只有兩隻 (己售出一隻)

網聚 (更新2)

網聚改地點: 　

地點：改為

稻香超級漁港

彌敦道639號雅蘭中心3樓

日期:　24/3/2012 本星期六
時間：12:30
人數: 10位。　

剛才打電話去城軒訂位,　原來只有教職員才可以訂位，咁即係街外人無位訂啦。　
既然又係要我一早去搵位, 為免大家搵唔到,
於是決定改地點.
改為旺角雅蘭中心三樓稻香.

我會帶備大家的聯絡方法，你地去到酒樓請call我啦, 我會一早去攞位。　

網聚訂購的貨品, 卡尺, 電子磅, 放大鏡都已經收到了.
我亦幫大家買了水銀電俾卡尺用.  其實都只係普通 LR44水銀電。　

有部份網友, 訂了貨, 但未能出席.
我會發電郵給你們, 請聯絡我取貨. 希望能平日在放工後能在地鈇站交收.

磅：$120, 放大鏡: $150, 卡尺: $100

旺旺
19/3/2012

Silver - Pocket.com

Pocket 是小口袋的意思. 

Pocket 亦可解作金錢 , 財富.

A pocket is a kind of small bag which forms part of a piece of clothing, and which is used for carrying small things such as money 

We like to accumulate a full pocket of silver. 

Pocket is money. 

This infers silver is money. 

這個圖案, 以幾筆簡單的筆觸, 繪晝了小袋子的外形. 

右邊的S 代表silver

而小袋子的內裡有個共同起點, 引伸了三條線, 這三條線代表了我們的成員, 而這個小袋子的建立, 是大家同心一意合作的成果.

在思考過程, 我地仍有很多未能解決的地方, 風險管理與定價, 是停滯不前的主要問題,
要考慮的, 遠俾我們起初的計劃要多. 

貨品清單, 遇到問題, 被逼停了下來. 

我去了晝公仔. 這個圖案就是這樣完成的. 

域名正準備伸請, 

又邁進一步了. 

旺旺 

17/3/2012

代購新進展與法國老虎銀幣

多日來廢寢忘餐，攪盡腦汁（誇張了十倍，呵呵）的去諗點去做代購。　
有出路了。　
我發現憑一己之力，真是應付不了。　
於是四出尋找有能之士，希望成為我的合作伙伴。
經過多番聯絡，終於成立了一個代購小組。　
合幾人之力，有主力找貨源的，有心思細密，精於盤算的，有熟習貨運及商業運作的，再加我這個一鼓熱誠，但欠缺沉實冷靜的聯絡人
正在密羅緊鼓，摩拳擦掌，　
現在努力預備一個產品清單。
希望時間及各方面都準備妥當, 就進行試售.  到時再通知大家訂購方法及取貨安排. 我地係會採用當面交收.

大家有沒有一些心水銀幣，尋找了很久,一係太貴, 一係無貨, 總係未買到呢？
如果有的話, 可以給我留言, 我地嘗試去找這些銀幣回來.
我地自已去搵貨源, 係其中一個方法.

另外, 我地亦提供一個聯系買家與賣家的方式.

相信很多網友, 手上都有一些銀幣, 希望轉售.
 如果你有一些銀幣想賣, 可以把銀幣照片, 擬出售的價格, 數量, 寄去我的電郵通知我.
我地想做中間人, 把閣下的銀幣介紹俾大家, 並嘗試將買賣雙方連在一起.
由於這個是新嘗試, 外面都無咩人做緊.
我地決定免費的幫大家穿針引線.
為的是速成雙方交易.
但也有免責聲明, 請買家購物前當面驗清楚, 我地只係做聯系角式,  如果貨不對板,有花幣, 甚至假幣, 請找賣家算帳, 責任不在我們中間人.

好.
講左咁耐. 不如又欣賞一下銀幣.
生肖幣, 我對虎幣情有獨鍾, 但我儲得算節制, 只買了澳洲虎幣. 想每隻size 都儲, 但現在只有幾隻一安士, 如果大家在那裡見到唔同大少的, 請通知我. 價錢合理的, 我都想要. 之前找到一隻1Kg 老虎, 連運費大概11000, 我很心動. 但結果係賣家唔肯賣俾我.

不過都知道唔可以鍾意就買, 結果都係上網睇完就算.

今次介紹隻法國虎幣. 面值5元, 是同系生肖系的第5隻. 產量10,000隻. 重量22.2g. 只有0.78安士.
大概500元附近, 連運費可以買到了.

旺旺
16/3/2012

2012 笑翠鳥 NGC 69 及網聚用品

我很喜歡2012年的笑翠烏. 覺得隻雀, 好似識笑, 好有趣.
好多銀幣我都只係得一隻, 呢隻笑翠烏算買多左啦. 有3隻 XD

仲有一隻係NGC 69.
售價連郵費 490.96
比沒有評級的笑翠鳥, $350, 貴140蚊.
俾多140蚊買一隻評級幣, 值唔值, 見仁見智啦. 這些大量生產幣, 隻隻都有69分. 評唔評級都無甚意思


但我覺得個評級盒同label 好靚. 俾多百幾蚊. 係買過盒同label, 哈哈.

今日亦收到另一個包裹.

幫網聚訂的電子磅跟卡尺寄來了.
賣家通知, 現在用順豐快運, 不能帶有電池.
結果, 磅跟卡尺都沒有電池附送.
電子磅用兩支3A電, 這個家裡實有. 唔係問題.
但卡尺, 是用水銀電,
如果要大家自已去配就太煩.
只好等我搵日有時間去幫大家配埋電池啦.

旺旺
14/3/2012

溝思建立一個銀幣平台

我想做的, 不單單在銀幣代購上.
心目有一個未知可行性的溝思

如果, 我第時真係做唔到, 至少, 代表我諗過. 我思考過. , 我 認真 的盤算過.
有很多意念未能落實. 想得太大只怕眼高手低, 最後一埸空.

框架是有了, 　
下一點應該如何做呢？

銀幣平台的優勢

1.          香港首個一站式銀幣平台. 為客人搜購銀幣, 提供銀幣銷售, 金銀幣交易平台.

2.          俾香港大型零售店提供更多款式

3.          相俾個人銷售, 入貨量更多, 來貨價廉宜

4.          提供當面交收, 相俾海外拍賣, 隔山買牛更有保障

5.          提供銀幣投資者交易銀幣的機會, 免除一般投資者將手上銀幣拍賣的煩惱.

6.          平台確保銀幣交易順利完成, 買家買貨, 平台確保賣家發貨後向賣家付款, 買家買得安心, 賣  家售得滿意.


有很多問題, 我仍然未有答案,
1. 在網上銷售銀幣, 需要有商業牌照的嗎?　要攞牌，話難亦唔難，只係我唔想俾十幾％的利得稅，已經是小本經營，再扣稅項，　應該所剩無已, 亦增長了籌備時間。　

2.  金銀幣，跟其他貨品，在網上銷售，是否有別？
3.  如果不幸收了假幣, 在唔知情的情況下出售, 有沒有刑意責任的呢?

4, 如果銀幣賣家有意賣假幣, 賣假幣的責任當然屬於賣家，但買家追討，平台要負責嗎？
5. 平台如何確保賣家的貨品是真貨呢?
6. 可從甚麼途徑，找到有關營商的法律諮詢呢？
7. 怎去減低銀價波動的風險呢?　接了訂單後，銀價可以大升或可大趺，賣出價既已定了，怎去鎖定銀價呢？考慮用紙銀做對沖, 要幾多成數的對沖才有效?

旺旺
14/3/2012