隔山買牛, 史上最醜的蛇幣

這星期, 每晚都到網上睇下銀幣, 幫襯了EBAY, 又到淘寶流覽.

到EBAY跟淘寶買幣?　驚唔驚假？驚呀，所以先買一隻睇睇。

在同一店子看見有１０隻澳洲一系蛇幣，４８０人民幣，運費３０元。折合港幣６５０，唔平亦唔貴啦。正盤算，今年龍年幣，出得７７８８，不如買定出年的蛇年幣，到時多人找又無貨了。先買一隻，靚就再落單整批買回來。仲唔俾我一次搵到10隻?　

聯系了賣家，等發貨。

好境不常。　之後收到對方留言，說蛇幣只餘下三枚，把手上品相最好的寄出，但幣有花紋，先行寄出，不滿意可伸請退款。

心知不妙。　

今天收到郵件了。　打開一看，果然不出所料。

幣的正見有兩條明顯的花紋，而幣的外圍唔平。背面發黃。　　

外相真是醜得過份, 開始懷疑是否假幣了. 拿另一個蛇幣比對一下. 在放大鏡下，淘寶幣的花紋相對深刻,　可能是幣變舊了，顏色較深而影響。再看英女皇頭像，頸部好像俾正幣粗，額上花紋亦多了幾條，多心姐。

細微處難看極了。

再看看重量，１安士，沒有太大分別。未有跡像銀幣是假，希望是真的吧。

這個銀幣收藏也覺礙眼，還要花幾十元運費退貨，費時失事。

隔山買牛，欠缺實物，質量已經沒保證。再幫襯出名假幣多的國內賣家，更是未能放心。

但香港拍賣市場咁細，來來去去都是那幾個賣家的銀幣

銀幣集中店鋪，只有好旺角商場，但能放心光顧的店亦唔多。聽聞要放幣時就被壓價，那是當然的，而出售的銀幣蒙晒灰塵，照賣可以，正是願者上吊。當然，客人亦會貨比三家。

一個女子行入好旺角，硬係覺得唔多自然。雖說儲金儲銀是中性，男女也可以投資，但收集始終男性的玩意的。你有幾何看見青春少女走進馬蘭奴聚腳地呢。