我係第三類人?

Lisa講起儲實銀的, 大致有三類人. 幾有趣.

第一類, 係注重銀價, 要把溢價減至最低, 用等值的貨幣儲到最多量的實銀為最大目的

第二類人, 收藏家.

第三類人, 就乜銀產品都會買, 只要是銀造和自己鍾意, 又可以有銀價的保值又是心頭好 !

第二類人, 非一般人能做,唔諗住。

先集中在第一, 第三類人.

銀價升, 兩類人都同時受惠.

第一類, 要兼顧的較少, 容易專心,就容易累積財富.

同一筆錢, 用最低的溢價, 儲到銀的量較多,.容易計數賺蝕幾多.  

銀條銀round, 外表有D悶. 但平淡得來踏實.

遇到跌市, 望著一舊舊的銀其實幾難捱. 欠缺能耐同實力的, 有機會被震得坐立不安.  

第三類, 視投資為興趣及生活一部份. 有興趣, 就事半功倍. 銀係一個長線投資, 要持之以恆, 變成興趣就很容易繼續, 買貨變成係娛樂, 定額定期買入變成樂事.  

限量的投資幣亦有收藏價值, 以及升值能力, 隨時幣的升值能力大過實銀的升幅.

舊年是好例子, 在銀價下跌時, 那些生肖幣價格堅挺, 幣值不趺甚至反升. 第三類人閒來就睇下有甚麼新貨色. 閒來就拿銀幣出來欣賞把玩一番, 不知不覺的渡過了跌市.

銀幣外觀多類, 即係唔悶囉.

但第三類人, 容易物極必反, 玩物喪志. 我自己就很容易在買心頭好時, 喜歡行先, 跟投資價值中難取平衡. 

這句說話講得好, collecting is really an art but not an investment. 要取得平衡. 唔易. 隨時買了一大堆自已喜歡但沒有市場價值的銀幣, 純粹個人欣賞, 這個興趣係好貴的.

另外，第三類人有時係好難入帳的，一日未賣出都唔知個價係咪有價無市，有無人肯接你的貨。　

其實邊類人都唔緊要, 最重要是同自已配合, 即係夾, 咁就如魚得水了.

游游游. 呵呵.