溝思建立一個銀幣平台

我想做的, 不單單在銀幣代購上.
心目有一個未知可行性的溝思

如果, 我第時真係做唔到, 至少, 代表我諗過. 我思考過. , 我 認真 的盤算過.
有很多意念未能落實. 想得太大只怕眼高手低, 最後一埸空.

框架是有了, 　
下一點應該如何做呢？

銀幣平台的優勢

1.          香港首個一站式銀幣平台. 為客人搜購銀幣, 提供銀幣銷售, 金銀幣交易平台.

2.          俾香港大型零售店提供更多款式

3.          相俾個人銷售, 入貨量更多, 來貨價廉宜

4.          提供當面交收, 相俾海外拍賣, 隔山買牛更有保障

5.          提供銀幣投資者交易銀幣的機會, 免除一般投資者將手上銀幣拍賣的煩惱.

6.          平台確保銀幣交易順利完成, 買家買貨, 平台確保賣家發貨後向賣家付款, 買家買得安心, 賣  家售得滿意.


有很多問題, 我仍然未有答案,
1. 在網上銷售銀幣, 需要有商業牌照的嗎?　要攞牌，話難亦唔難，只係我唔想俾十幾％的利得稅，已經是小本經營，再扣稅項，　應該所剩無已, 亦增長了籌備時間。　

2.  金銀幣，跟其他貨品，在網上銷售，是否有別？
3.  如果不幸收了假幣, 在唔知情的情況下出售, 有沒有刑意責任的呢?

4, 如果銀幣賣家有意賣假幣, 賣假幣的責任當然屬於賣家，但買家追討，平台要負責嗎？
5. 平台如何確保賣家的貨品是真貨呢?
6. 可從甚麼途徑，找到有關營商的法律諮詢呢？
7. 怎去減低銀價波動的風險呢?　接了訂單後，銀價可以大升或可大趺，賣出價既已定了，怎去鎖定銀價呢？考慮用紙銀做對沖, 要幾多成數的對沖才有效?

旺旺
14/3/2012

Coin club gathering 更新２

網聚訂購銀幣用品已經完畢。
而24/3的網聚觀迎繼續報名。有興趣參加的，發一個有你們手電的電郵給我 ，我會回覆詳情。　　
用品我亦剛剛落左單。　
訂了13個電子磅，8個放大鏡跟9把尺。
等我又諗下今次點拿Ｄ貨來飲茶先。　
就著出席人數，訂房就會很貴，所以唔想訂房，會大堂飲茶。而飲茶我未問有無得訂位，我估我會早少少去攞位
出席人數唔係好多。訂貨既就唔少。睇來我既代訂真係有得做，早知今次既用品我唔用成本價，而係mark高幾十％啦

旺旺

直接進口銀幣(構思2)

大家的意見都很好. 確實感謝.

網上代訂銀幣, 在今年年初開始有這個構思. 亦反覆思量實際運作的可行性.

起初我在諗, 我想把這個網上代訂當成一個生意來做,規模我諗得不小, 首先思考去取商業牌照, 我之前也試過有這方面經驗. 但再思想, 對於銀幣, 我是一名門外漢,  當成一門生意去看待, 不是這階段可做到.

其實我進行的, 只是自已訂開銀幣, 再順便幫朋友一起訂. 這既不是我的兼職, 只是興趣.

代訂成功的關建是甚麼呢?　我認為首要是確保貨品質數,　貨源供應穩定，來貨價低廉，造就低成本就能提供有具競爭力的貨品， 以及顧客對賣家的信任.

如何確保貨品的質數呢？從可信賴的商店入貨, 故此這幾個月, 我都不斷在搜尋各地銀幣及用品供應商, 為要確保質數, 很多店鋪我都親自光顧了.  

如何能建立顧客對賣家的信任呢. 我既沒有一間實體商店，亦唔能夠先拿銀幣給對方檢驗，我要確保的就是我出售的貨品來自有信譽的貨源，而我做的角式就是成為零售與顧客的橋樑，盡量的減少中間處理, 直接把從零售獲得的貸品轉到顧客.

買入的貨, 貨不對板怎樣處理呢? 過得人要先過得自已, 銀幣若大花又有白點， 唔通賣出去嗎? 當然唔得. 所以亦預算了有部份貨訂回來是不可以賣出, 這亦預計在成本之內, 要減低這部份成本,只好從優質貨源入手.

買家亦要了解, 所購的銀幣若不是精裝幣, 而是普制幣,  少少瑕疵在所難免, 而這瑕疵既來自出廠, 不是在我的轉手過程做成, 買家需要接受貨品安排. 但若銀幣質量本身問題, 並不是買家過份要求. 又或者不是買家主觀地唔喜歡那銀幣,  我亦考慮提供退貨服務. 當然先要肯定那件貨品, 是由我家提供, 唔通隨便攞家中一個舊銀幣要我更換,我亦受理, 這亦於理不合. 但若需要更換貨品, 要預時間讓我更換新貨, 再不然就直接退款.

至於訂金方便, 先收取貨品的30%, 然後餘款在取貨是付. 原意是想增加買家對我的信任. 如果買家突然失蹤, 我大可以將產品在市場賣出, 因我已收到30%本金, 我不致完全損失, 只是處理上麻煩一點. 但經大家提點, 我也覺得這個服務太為顧客著想,是不必要,  還是採用先付全數, 後發貨的付款方式. 

旺旺

直接進口銀幣(構思1)

我想問下大家，你們會選擇以私人購入的方式，買入銀幣嗎？　希望這能成為我構思開展直接到國外採購銀幣進口的參考。　
你們會有甚麼考慮因素呢

我覺得俾Ebay, Yahoo在網上拍賣更安全。　
考慮, 價格是重要的.
但更重要的是, 會否買到假幣. 這關乎賣方的入貨途徑與誠信.

下文是我攪這服務的 想法.
如果我能提供俾門市更低的價格, 亦俾Yahoo, Ebay等拍賣, 提供更優質的服務, 可以代訂銀幣, 你們會考慮光顧嗎?

請大家多給我一點意見。　
你們的意見是直接，有效的市場依據，
在此先行謝謝。　

旺旺
10/3/2012　

直接進口銀幣的構思　


這幾個月, 我都有在外國網站購買銀幣.

除了我地做團購的APMEX, 以及Gaineville coins以外,

其實買賣澳洲perth mint出產的銀幣, 當地有幾間直接代理perth mint的供應商, 售價與運費都俾直接到perth mint或剛提及的美國銀幣網便宜, 而商店亦有幾年的銷售的良好信譽, 借得信賴與惠顧.

我正打算將從海外供應商直接進口銀幣及用品, 帶到香港轉售. 外國銀幣供應商的商品種類繁多, 提供更多款式上的選擇. 另外, 這亦讓大家有多一個買賣銀幣及用品的途徑, 既減省了各自與客户服務的書信聯系, 而個人要負整筆的運費, 海外及香港銀行的電匯費, 亦從較大量訂購的貨物中, 攤分了運費與雜費的成本, 從而能夠提供一個俾市面上, 更便宜的價格.

提供的銀幣, 如果Kitco及 LPM都有供應, 大家都會選到門市買賣. 所以我打算引進的貨品, 是兩間商店都沒有提供. 又或者係,即使有售, 我會提供一個更有競爭性的價格來吸引買家.  

成功的銷售, 除了提供品質良好的產品是必要外, 親切體貼的服務更是不可少. , 這正是小型個體户的優勢, 直接與顧客接觸, 滿足顧客的要求, 我可以為顧客搜羅大店子未能提供的商品, 這需要有熱誠以及對銀幣有熱切的喜愛, 把興趣變成一門 服務 去處理, 實在是人生一大樂事.

選了幾款銀幣試試反應.

貨品當面交收.可選擇先存入30%訂金至我的銀行户口，餘額取貨時付。　

當然亦可全數先付後發貨。

亦可選擇郵寄掛號. 但先銀行過帳, 運費由買方支付，郵寄若有任何損失，責任由買家負責

現在推出的銀幣. 我是收到你們的訂單，　我才去訂貨。所以需預訂, 兩星期後發貨. 有興趣請在blog或我的電郵留言chanahwong@gmail.com。


所列價格, 已包運費, 各項雜費. 所以價格是我出售的最終價格. 　

每月都會買銀的請入來揮揮手

網聚反應唔錯，大概有１０個網友參加。訂購銀幣用品快截止。有興趣的請報名。

好多大師跟資深投資者, 建議人儲實銀, 都係用定時定額的方式. 即是不理會銀價高低, 每月都買入同等價錢的銀幣, 銀價時平就能買多D, 銀價貴就買少D, 長遠來說, 達至平均成本買入, 亦養成定期儲蓄.

請問各位, 邊位係一出糧就買銀的呢？在建立這個習慣時, 有沒有遇到一些困難呢?

實行上時要變通。假設每月買１５００元等值的銀，３５０蚊一安士時可以買到４個。現在是３１０蚊。補多幾十蚊就可以買到５個了。

在實行時，我覺得極需要摸索，一個合適的方法，才能有紀律。　

守紀律？買銀吧了, 使唔使講到咁認真? 

要, 絕對要. 

你有否試過, 買完唔夠幾日, 心思思又想去購物呢?

有否試過，心急的等新款銀幣出，當一在市場有售，就立即放工，又或者lunch time都趕去買，驚死買唔切呢？

有否試過, 剛剛買完, 跟住銀價才趺, 其實可能係講緊3美元的分別，3美元等於10％，好多啦, 於是第二日又去買，俾平時買多二隻呢。　

我寫得出來，全部都試過。

咁我幾有紀律，係０。　

今個月我買左好多野。

１隻５安士龍，１隻笑翠烏，１隻樹熊，２隻美洲獅，４隻灰狼，５隻鹿。２隻龍。８隻澳洲生肖。５隻楓葉。
見今個月無買金，就狂掃銀。

一丁點節制都無。死未。

試了半年，仍然在摸索合適自已的方式。

以前銀行曾經有過一個儲蓄方式，名為零存整付。即每個月都要供款。過了一過年期，假設係3－5年，到期後就可以一筆過提款。記得我曾經做過10厘的。我要用的一筆錢就係咁儲番來，當提款時發現唔覺唔覺就儲到一筆款項，真係喜出望外。不過呢個儲錢方式，銀行好像唔提供了。

如果買金買銀，都可以零存整存，咁都幾好呀。　每個月都提你到期啦，要買啦。每個月都買幾個銀幣，到一段時間，就可以提取同等份量的金銀幣。坊間都有一些類似的，但總係跟紙金紙銀聯上關係。如永亨，提供的黃金存摺，據稱可提取５兩實金，但事實是，實金要用5兩做單位，銀碼太大，而最大問題，係那些金條不常有貨，亦即係儲到一定數量都提唔到實貨。　

Kitco亦有匯集户口，雖然可以提實貨，但提的款式無得選擇，而提貨時亦要付上運費，保險費等費用，而交易金額少於2500US，亦要付15美元行政費。正是未見官先打80。最大問題係，係咪真係有放進户口的同等實物，亦是未知之數。如果有日劑提，未能提取實貨，那就血本無歸。

那我想像中的零存整付是怎樣的呢？是類似存錢入銀行，而提款則是金銀實物。那銀行一定要有實物支持同存款保障，最少的可提一安士銀。那到時金銀是真的流通貨幣了。

旺旺

8/3/2012

Coin club網聚 (更新1)

謝謝大家的支持. 網聚的初步反應唔錯.
第一次網聚定於
日期24/3/2012 (星期六)
地點: 城大中菜廳 (城軒) 飲荼
九龍達之路香港城市大學康樂樓八樓, 電話34428163
時間: 12:30
費用: 睇下夠唔夠人, 我無所謂, 可以坐大堂飲荼. 亦可以訂一間房, 訂房最低消費 $1800. 當12人, 每人150元, 睇大家喜歡. 我有9折卡.
請留言需唔需要訂房.

因為通常都會有人搵唔到, 去錯地方等等. Lisa 的建議很好, 就是每位想出席的網友, 請在下面報名，並發一個電郵給我 chanahwong@gmail.com, 內附你的稱呼及手電. 留手電跟電郵主要係方便聯絡. 我會回覆一個電郵, 有我的聯絡方法跟當曰訂位名稱. 暫時只會係我一個single contact. 我會保留大家的聯絡方法, 不會外洩.  如果到時大家想交換聯絡方法, 就到場再傾.

當日我會預備了幾樣銀幣用品, 俾大家訂購. 有興趣的可以留言訂購數量. 銀碼唔算大, 唔使入我户口啦, 我先訂貨, 到時即場付款取貨就是了.

因為要預番時間我訂貨同收貨, 訂貨最後日期12/3/2012

1. 電子磅, $120

量程/分度值:500g/0.01g (要0.1g會平幾十蚊, 但準確度唔夠, 所以我都係訂番呢隻我用緊既型號 500g 0.01, 10安士都夠用了), 可以量度, g, 金衡安士, 兩.
自動關機：1分鐘自動關機
LCD顯示：5位元LCD顯示
電 源：2* AAA 電池
外型尺寸：116X64X17mm
單機重量：95.6g
不銹鋼託盤：62.2X53.7mm
低電顯示，自動校準功能。
單位互換： ozt金衡安士, g克, T兩, gn格令 oz, ct克拉, dwt英錢

運來香港，沒有法碼

2. 10倍帶 LED 燈放大鏡 $150
名稱：LED LOUPE TRIPLET10X-21MM

倍數：10倍

直徑：21Mm

鏡片：英國進口光學鏡片（三組合）

光源：LED（白光）

配件：皮套

3. 微型數顯卡尺（0-100mm）$100

量程：0-100mm分度值：0.01mm

旺旺
5/3/2012

網聚

那些年，一班志同道合的人定期的走在一起，傾下計，講下去邊到買實金實銀平貨。
不經不覺，
手上的澳洲生肖幣已經有了蛇，馬，羊。。。
銀價超越每安士100美元 。

這樣的情境，大家期待嗎？

其實這個構思，是我想起Ｈ佢地既車會，大概兩至三個月有一次聚會，大家聚守一堂，而網聚發起人亦好識得攪氣氛，每次都有一些相關用品俾大家團購。有得食，有得傾，滿載而歸，每次都很期待下一次的聚會。　　

這不是一個夢，
千里之行，始於足下。
就由我地既金銀幣網友網聚開始。

對象：Lisa investment  talk的網友。
只做CD ROM的你，要留下言啦，唔係來到我地唔單止未見過面，連名都未見過，咁陌生就難熟啦

日期：暫定２４／３ (星期六）或２５／３（星期日）
時間未定，要睇訂房情況
地點：暫定城市大學城軒酒樓

大家對網聚有甚麼建議，請留言。

第一次聚會，請大家列出幾項可能有興趣的產品，我嘗試去找貨源，供大家選擇。

旺旺
2/3/2012